Iyenthu Veetu Deivam

கோயில் பெயர் காரணம்

திருக்கோவிலானது சுமார் நான்கு ஏக்கர் பரப்பில் சுற்றுசுவர்களுடன் அமைந்துள்ளது. கிழக்குபுறம் ஒரு வாசலும், மேற்குபுறம் ஒரு வாசலும், வடக்கு புறம் ஒரு வாசலும் உள்ளன, வடக்கு புற வாசல் வழியாக உள்ளே நுழைந்ததும் அருள்மிகு ஸ்ரீ பெரியசாமி சன்னதியும் ,அடுத்து ஸ்ரீவயனப்பெருமாள் சன்னதியும், அதனை ஒட்டி ஸ்ரீ அனந்தம்மாள் சன்னதியும், அடுத்து ஸ்ரீ ஆத்தி சுவாமி சன்னதியும் , அதனை அடுத்து ஸ்ரீ திருப்புளி ஆழ்வார் சன்னதியும் ,அதன் அருகில் ஸ்ரீ பெரியபிராட்டி சன்னதியும் அமைக்கப்பட்டுள்ளன, ஒரே கோட்டை சுவருக்குள் ஆறு தெய்வங்களும் ஐந்து சன்னதிக்குள் அமைந்துள்ளதால் இத் திருக்கோயில் ''ஐந்து வீட்டு சுவாமிகள்'' திருக்கோயில் என அழைக்கபடுகிறது

செட்டியாபத்து வரலாறு

ஜாதி பேதம் நீங்கிய வரலாறு

எல்லா ஜாதி மக்களும் ஐந்து வீட்டு சுவாமி திருக்கோவிலுக்கு வந்து வணங்கினாலும், அவரவர் மனதுக்குள் ஜாதி வேறுபாடுகள் இருந்து கொண்டுதான் இருந்தது. ஜாதி ஏற்றத்தாழ்வு அதிகமாக பார்க்கும் அந்த காலகட்டத்தில் ஒரு துப்புரவு தொழிலாளி இறைவனுக்கு பிரசாதத்தை படைத்து வழிபட்டான். ஆனால் அந்த பிரசாதத்தை மற்றவர்களுக்கு கொடுக்கும் போது, யாரும் அந்த பிரசாதத்தை பெற்றுக் கொள்ள வில்லை. அதன் காரணம், அவன் செய்யும் துப்புரவு தொழிலும் அவன் ஜாதியில் குறைந்த அந்தஸ்தை உடையவன் என்பதும் தான்.

அந்த கோவிலில் அழுது புலம்பி தவித்து சோர்ந்து கோவில் வாசலிலேயே உறங்கிவிட்டான். அந்த சமயத்தில் தொழிலாளியின் கனவில் வந்த பெரியசாமிகள், ‘அந்த பிரசாதத்தை ஓரிடத்தில் புதைத்து வைத்துவிட்டு அடுத்த வருடம் வந்து அதை திறந்து பார்க்க சொல்’ என கூறிவிட்டு மறைந்து விட்டனர். திடுக்கிட்டு விழித்த அந்தத் தொழிலாளி அந்த கோவிலுக்கு தெற்குப் பக்கத்தில் உள்ள ஒரு இடத்தில் பிரசாதத்தை ஒரு வாழை இலை கொண்டு மூடி, அதை பானையோடு புதைத்து வைத்தான். மறுவருடம் அந்த கோவிலுக்கு வந்த துப்புரவு தொழிலாளி பெரியசாமியை வணங்கிவிட்டு, அவன் புதைத்து வைத்திருந்த அந்த பிரசாதத்தை தோண்டி எடுத்து பார்த்தான். அந்த பிரசாதமானது அப்பொழுதுதான் புதியதாக செய்ததைப் போன்று ஆவி பறக்க இருந்தது. இதை பார்த்த பக்தர்கள் அந்தத் தொழிலாளியின் பிரசாதத்தின் மகிமை கண்டு, அந்த பிரசாதம் தங்களுக்கும் வேண்டுமென்று அனைவரும் கேட்டு கேட்டு வாங்கிச் சென்றனர். அந்த துப்புரவு தொழிலாளிக்கு இறைவன் கொடுத்த ஆசிர்வாதம் தான் இது. அந்த நாளில் இருந்து யாரும் இந்த கோவிலில் ஜாதி மதத்தினை மனதளவில் கூட பார்ப்பதில்லை

பலன்கள்

‘ஹரி ஓம் ராமானுஜாய’ ஐந்து வீட்டு சுவாமி திருக்கோவில் மந்திரமாக இது கருதப்படுகிறது. இந்த கோவிலுக்கு சென்று இந்த மந்திரத்தை உச்சரித்து அந்த இறைவனிடம் வேண்டினால், திருமணத் தடைகள் நீங்கும். குழந்தை பாக்கியம் இல்லாதவர்களுக்கு குழந்தை வரம் கிடைக்கும். நவக்கிரகங்களின் தோஷங்கள் நீங்கும். மனோதைரியம், நிம்மதி, எடுத்த காரியத்தில் வெற்றி, இவைகளை பெற்று வளமாக வாழலாம்

Iyenthu Veetu Deivam

Flipkart

Thursday, October 14, 2021

🌷ஸ்ரீ ஐந்து வீட்டு ஸ்வாமி துணை🌺

Sunday, January 17, 2021

நமது குலதெய்வம் பெரியசுவாமி பிறந்தநாள் 18/01/21

Sunday, December 6, 2020

ஐந்து வீட்டுசாமி

ஸ்ரீ பெரியசாமி துனை

Anandamall

Friday, October 30, 2020

செட்டியாபத்து கோவில் வரலாறு

Monday, April 27, 2020

கோத்திரம்